कोरोनाका कारण चिनियाँ राष्ट्रपति सीको जापान भ्रमण स्थगित
<p>काठमाडौं। कोभिड-१९को महामारी फैलिएपछि यही अप्रिलमा हुने भनिएको चिनियाँ राष्ट्रपति सी चिनफिङको जापान भ्रमण स्थगित भएको छ। भ्रमण स्थगित भएको जापानको सरकारले आज जानकारी गराएको छ। </p>
<p>सन् २००८ मा हु जिन्ताओले भ्रमण गरेयता जापान भ्रमण गरेपछि बल्ल चिनियाँ राष्ट्राध्यक्षको जापान भ्रमण हुन लागेको थियो। </p>
<p>सीले जापानका सम्राट नारूहितो र प्रधानमन्त्री सिन्जो अबेसँग भेटवार्ता गर्ने योजना थियो। त्यस्तै सीले भोज आयोजना गर्ने कार्यक्रम पनि थियो। </p>
<p>दुवै देशका नेताहरूले सीको भ्रमणले दुई देशबीच खासगरी दक्षिण चिनियाँ सागरमा भएको तनाव मत्थर पार्न सघाउ पुग्ने आशा राखेका थिए।</p>
<p>यसैबीच उत्तर कोरियाका राष्ट्रपति किम जोङ उनले दक्षिण कोरियाले छिट्टै नै कोरोना संक्रमणमाथि विजय प्राप्त गर्ने विश्वास गरेका छन्। २१ फागुनमा किमले दक्षिण कोरियाका राष्ट्रपति मुन जाई-इनलाई पत्र पठाएको राष्ट्रपति कार्यालयले जनाएको छ। किमले राष्ट्रपति मुनको स्वास्थ्य अवस्थाबारे पनि चासो व्यक्त गरेका छन्। साथै उनले कोरियाली प्रायःद्वीपको स्थितिबारे चर्चा पनि गरेका छन्। </p>
<p>दक्षिण कोरिया चीनपछि सबैभन्दा धेरै कोरोना भाइरस संक्रमित भएको देश हो। आजसम्म त्यहाँ संक्रमितको संख्या पाँच हजार ७६६ पुगेको छ। <br />
उत्तर कोरियाले भने सयौं विदेशीलाई क्वारेन्टाइनमा राखेको छ। </p>
<p>उता संयुक्त राज्य अमेरिकाको क्यालिफोर्निया प्रान्तले कोरोना संक्रमणका कारण संकटकाल घोषणा गरेको छ। </p>
प्रतिक्रिया दिनुहोस्
.jpg)
