राजश्वको दायरा भौगोलिक रूपमै फराकिलो बनाइने
<p>काठमाडौं। अर्थ मन्त्रालयले कर र राजश्वको संकलन दायरा भौगोलिक रूपमै फराकिलो बनाउने भएको छ। मन्त्रालयले भन्सार र करको दायरा फराकिलो बनाउने क्रममा अब त्यसलाई भौगोलिक रूपमै विस्तार गर्ने भएको हो।</p>
<p>आन्तरिक राजश्व विभाग अन्तर्गतका कार्यालयहरूको कार्यक्षेत्रको अधिकार तोक्ने र अन्तःशूल्क अधिकृतको कार्यक्षेत्र तोक्ने निर्णय गर्दै भौगोलिक रूपमा कर र भन्सारको दायरा बढाउने निर्णय भएको हो।</p>
<p>१८ फागुनमा बसेको मन्त्रीपरिषद्को बैठकले यस्तो निर्णय गरेको अर्थमन्त्री तथा सरकारका प्रवक्ता डा. युवराज खतिवडाले जानकारी दिए। मन्त्रीपरिषद्ले गरेका निर्णय सार्वजनिक गर्दै उनले भने, “अब अर्थ मन्त्रालयले भौगोलिक रूपमा पनि कर र भन्सारका दायरालाई फराकिलो बनाउँछ।”</p>
<p>सरकारका राजश्व उठाउने निकायहरू थपघट भइरहने बताउँदै उनले ती निकायहरूले राजश्व संकलन गर्ने कार्यक्षेत्र र उनीहरूका अधिकार स्पष्ट रूपमा तोकिने बताए।</p>
<p>यस्तै, मन्त्रिपरिषद्ले नेपाल गुणस्तर साधारण पोर्टल्याण्ड सिमेन्ट ४३ र ५३ ग्रेडको विशिष्टिकरण अनिवार्य गर्ने र राजपत्रमा सार्वजनिक गर्ने निर्णयसमेत गरेको छ। </p>
प्रतिक्रिया दिनुहोस्
.jpg)
