कर्णाली प्रदेश: सुर्खेतमा मास्कको अभाव
<p>सुर्खेत। कर्णाली प्रदेश राजधानी वीरेन्द्रनगरका मेडिकलहरुमा सर्जिकल मास्क पाउन छाडिएको छ।</p>
<p>कोरोना भाइरस (कोभिड-१९) को सम्भावित संक्रमणको त्राससँगै मास्कको माग बढेपछि यहाँका व्यवसायीले मौज्दात रहेका मास्क महँगो मूल्यमा काठमाडौं निर्यात गरेपछि अभाव भएको हो ।</p>
<p>नेपाल औषधि व्यवसायी संघ सुर्खेतका अध्यक्ष रणबहादुर खड्काले जिल्लामा करीब एक सयको हाराहारीमा रहेका मेडिकल तथा सर्जिकल सप्लायर्स भएपनि अहिले कसैकोमा मास्क मौज्दात नरहेको बताए।</p>
<p>“डिलरमै मास्क छैन्, हामीसँग भएको पनि सकियो,” उनले भने, “एक महीनादेखि मास्क ल्याउने प्रयास गरेका छौँ, कतै पाइएको छैन ।”</p>
<p>यहाँ कपडाको मास्क पनि अभाव देखिन थालेको छ। सुर्खेत उद्योग वाणिज्य संघअन्तर्गत फेन्सी रेडिमेट तथा वस्तुगत समितिका अध्यक्ष खड्कप्रसाद ढकालले कपडाको मास्कपनि अभाव हुन थालेको बताए।</p>
<p>कपडाको मास्क किन्‍ने ग्राहक भने एक्कासी बढेको ढकालको भनाइ छ। <em>रासस</em></p>
प्रतिक्रिया दिनुहोस्
.jpg)
