बेलायतमा रहेका नेपालीले भने- 'विदेशमा कमाएको पूँजी र सीप देश विकासमा लगानी गर्न तयार छौँ'
<p>लण्डन। बेलायतमा बस्दै आएका नेपालीहरूले विदेशको कमाइ नेपालको विकासमा लगानी गर्न तयार रहेको बताएका छन्।</p>
<p>गैरआवासीय नेपाली संघ बेलायतको १५ औं स्थापना दिवसको अवसरमा उनीहरूले विदेशमा रहँदा कमाएको पैसा र सीपलाई आफ्नो देशमा लगाउने वातावरण बनाइदिन आग्रहसमेत गरे।</p>
<p>कार्यक्रममा गैरआवसीय नेपाली संघ अन्तराष्ट्रिय समन्वय परिषद (एनआरएनए) का अध्यक्ष कुमार पन्तले गैरआवासीय नेपालीले विदेशमा आर्जन गरेको पूँजी र सीपलाई देशको आर्थिक समृद्धिमा लगानी गर्न तत्पर रहेको बताएका छन्।</p>
<p>महासचिव हेमराज शर्माले विदेशमा बसेर भएपनि नेपालप्रतिको माया र नेपालको समृद्धिप्रति आफूहरू चिन्तित रहेको बताए।</p>
<p>गैरअवासीय नेपाली संघ बेलायतकी अध्यक्ष पुनम गुरुङले दोहोरो नागरिकता र गोर्खा सैनिकहरूको हक अधिकारमा निरन्तर पहल गर्ने बताइन्। </p>
<p>धेरै संख्यामा नेपाली समुदाय सहभागी रहेको सो कार्यक्रममा गैरआवासीय नेपाली संघ बेलायतका सल्लाहकारहरूलाई सम्मान गरिएको छ। </p>
<p>कार्यक्रममा विभिन्न सांगीतिक कार्यक्रमहरु समेत प्रस्तुत गरिएको थियो।</p>
प्रतिक्रिया दिनुहोस्
.jpg)
