सुन अहिलेसम्मकै महंगो, प्रतितोला ८२ हजार ५०० पुग्यो मूल्य
<p>काठमाडौं। केही दिनयता निरन्तर उकालो लागिरहेको सुनको मूल्यले आज रेकर्ड कायम गरेको छ।</p>
<p>आज नेपाली बजारमा सुन प्रतितोला ८२ हजार ५०० रूपैयाँ पुगेको छ।</p>
<p>विश्वभर कोरोना महामारी फैलिएपछि लगानीकर्ताहरूले आफ्नो सम्पत्ति सुरक्षित गर्नका लागि सुनमा लगानी बढाएका कारण अन्तर्राष्ट्रिय बजारमा केही दिन यता सुनको मूल्य निरन्तर बढिरहेको छ।</p>
<p>२२ फागुनमा छापावाल सुन प्रतितोला ८० हजार ७ सय रूपैयाँमा कारोबार भएको सुनको मूल्य आज एकै दिन तोलामा १८ सय रूपैयाँले बढेको हो।</p>
<p>यस वर्षमै अहिलेसम्म सुनमा एकै दिन १८ सय रुपैयाँले मूल्य बढेको थिएन।</p>
<p>विश्वव्यापी रूपमा सुनमा गरिएको लगानीलाई सबैभन्दा सुरक्षित मानिन्छ। कोरोना संक्रमणको कारण विश्वभरको अर्थतन्त्र चौपट भइरहेको बेला लगानीकर्ताले सुनमा लगानी गरेका छन्।</p>
<p>२१ फागुनमा छापावाल सुन प्रतितोला ८० हजार ५०० रूपैयाँमा कारोबार भएको थियो।</p>
<p>आज चाँदी भने प्रतितोला ८९० रुपैयाँमा कारोबार भइरहेको छ।</p>
<p>चाँदीमा प्रतितोला १० रुपैयाँ मूल्य बढेको हो। हिजो चाँदी प्रतितोला ८८० रुपैयाँमा कारोबार भएको थियो।</p>
प्रतिक्रिया दिनुहोस्
.jpg)
