तयार भयो ख्वापा, आजदेखि भक्तपुरमा नवदुर्गा नाच
<p><br />
भक्तपुर। भक्तपुरको याछेँस्थित पुर्ण चित्रकारले नवदुर्गा देवगणको ख्वापा (मुकुन्डो) तयार पारी प्रदर्शन गरेका छन्।</p>
<p>२० असोजको साँझदेखि नै मुकुन्डोको दर्शन गर्न आउनेको भिड लागेको छ । गएराति रातभर कर्माचार्य समुदायका तान्त्रिकले ख्वापामा प्राणप्रतिष्ठा गर्छन्।</p>
<p><img alt="" height="472" src="https://www.dekhapadhi.com/storage/photos/shares/Dashain/khwapa 3.jpg" width="840" /></p>
<p>आज बिहानै बनमाला समुदायका नवदुर्गा देवगण बनेर नाच्ने १३ जना खर्पन लिएर पुर्णको घरमा पुग्छन् र कर्माचार्यको हातबाट ख्वापा लिइ भक्तपुरको ब्रम्हायणी मन्दिरमा जाने चलन छ।</p>
<p>दिनभर उनीहरुको पुजा हुन्छ र बेलुकादेखि भक्तपुरका विभिन्न टोलमा नाच देखाउने गरिन्छ।</p>
<p><img alt="" height="472" src="https://www.dekhapadhi.com/storage/photos/shares/Dashain/khwapa 2.jpg" width="840" /></p>
<p>ख्वापामा प्राणप्रतिष्ठा गरेपछि नवदुर्गा जिवित भएको विश्वास गरिन्छ । देवगणले यो ख्वापा ९ महिनासम्म प्रयोग गर्छन्।</p>
<p> </p>
प्रतिक्रिया दिनुहोस्
.jpg)
