Others

गृहपृष्ठ

सर्जिकल सामान कालोबजारी गर्ने पक्राउ काठमाडौं। सर्जिकल सामग्री कालोबजारी गर्ने एक व्यवसायी पक्राउ परेका छन्। कोरोना भाइरस संक्रमणको जोखिमको मौका छोपेर ह्याण्ड स्यानेटाइजर कालोबजारी गरी बेच्ने प्रिया ट्रेडर्सका अनिल गुप्ता पक्राउ परेका हुन्। भारत घर भएका गुप्ताले काठमाडौं महानगरपालिका–२५ बाङ्गेमुडामा पसल राखेर सामान कालोबजारी गर्दै आएको महानगरीय प्रहरी वृत्त जनसेवाले जनाएको छ। जनसेवा प्रहरीका प्रमुख, प्रहरी नायब उपरीक्षक सुनिलजङ्ग शाहले ११० पर्ने सामानलाई ३०० लिएर बेचेको सूचनाका आधारमा गुप्तालाई पक्राउ गरिएको जानकारी दिए। गुप्ताको साथबाट प्रहरीले ८१४ थान ह्याण्ड स्यानेटाइजर बरामद गरेको छ। जसको बजार मूल्य दुई लाख ५६ हजार ५२० रहेको छ। रासस