कोरोना कहर: लिग स्थगित गर्न इटालियन फुटबल संघका अध्यक्षको आग्रह
<p>काठमाडौं। उत्तरी इटालीमा कोरोना भाइरस संक्रमणको त्रास बढीरहेको अवस्थामा इटालियन फुटबल संघका अध्यक्ष दमियानो तोमासीले सबै फुटबलको जारी सिजन स्थगित गर्न माग गरेका छन्।</p>
<p>मिलान र बर्गामोसहित लोमबर्डी र आसपासका ११ प्रान्तलाई सरकारले कारोना भाइरस संक्रमणको जोखिम क्षेत्र मानेको छ।</p>
<p>यस्तो अवस्थामा अत्यावश्यक कामका लागि बाहेक कोही पनि त्यस क्षेत्रबाट बाहिर निस्कन र त्यहाँ जान सकेका छैनन्।</p>
<p>इटालीमा ५ हजार ६१ जनामा कोरोना भाइरस संक्रमण देखिएको छ भने २३३ जनाको मृत्यु भइसकेको छ।</p>
<p>जसकारण ३ अप्रिलसम्मका लागि सबै खेल खाली रंगशालमा खेल्नुपर्ने भएको छ।</p>
<p>जसका कारण तोमासीले ट्वीटरमा लेखेका छन्, ‘‘अब लिग बन्द गरौं। हामीले अरू केही गर्नु आवश्यक छ? फुटबल रोकौं !’’</p>
प्रतिक्रिया दिनुहोस्
.jpg)
