इटालीमा एक करोड ६० लाख मानिस क्वारेन्टाइनमा
<p>काठमाडौं। इटालीका प्रधानमन्त्रीले उत्तरी इटालीका एक करोड ६० लाख जनता अप्रिलको शुरुसम्म क्वारेन्टाइनमा रहने घोषणा गरेका छन्। </p>
<p>इटालीमा कोरोना भाइरस संक्रमण अचानक बढ्न पुगेपछि जिम, स्विमिङ पुल, म्युजियम, स्की रिसोर्टहरू बन्द गरिएको हो। विवाह र अन्त्येष्टी समेत क्वारेन्टाइन अवधिभर नगर्न निर्देशन दिइएको छ। </p>
<p>इटालीमा कोरोना संक्रमणका कारण निधन हुनेको संख्या २३० नाघिसकेको छ। २४ फागुनसम्म इटालीमा पाँच हजारभन्दा बढीमा कोरोना संक्रमण फेला परेको छ। </p>
<p>“हामी हाम्रा जनताको स्वास्थ्य सुनिश्चित गर्न चाहन्छौं। हामीलाई थाहा छ यो निर्देशनले त्याग माग गर्छ”, इटालीका प्रधानमन्त्री जिसेप कान्टेले आज बिहान भनेका छन्। </p>
<p>आपतकालीन अवस्थामा बाहेक उत्तरी इटालीका मानिसहरूलार्य शहर छोड्न वा प्रवेश गर्न प्रतिबन्ध लगाइएको छ। </p>
<p><strong>के के उपाय अपनाइएको छ ?</strong><br />
</p>
<p>विवाह, अन्त्येष्टी लगायतका धार्मिक र सांस्कृतिक कार्यक्रमहरू स्थगित गरिएको छ। </p>
<p>सिनेमा हल, नाइट क्लब, जिम, स्विमिङ पुल, म्युजियम र स्की रिसोर्टहरू बन्द गरिउको छ।</p>
<p>बिहान ६ देखि बेलुका ६ बजेसम्म रेष्टुरेण्ट र क्याफे खुल्न सक्नेछन् तर ग्राहकहरू कम्तिमा एक मिटरको दूरीमा बस्नुपर्नेछ। </p>
<p>खेल प्रतियोगिताहरू स्थगित गरिएका छन्। </p>
<p>मानिसहरूलाई सकेसम्म घरमै बस्न भनिएको छ। क्वोरन्टाइनका नियम उल्लंघन गर्नेलाई तीन महीनासम्म जेल सजाय हुनसक्नेछ। -बीबीसीबाट<br />
</p>
प्रतिक्रिया दिनुहोस्
.jpg)
