फुडमाण्डुको वेबसाइटमा साइबर हमला, चोरी भयो ग्राहकको व्यक्तिगत विवरण
<p>काठमाडौं। अनलाइन मार्फत खाना तथा खाजा डेलिभर गर्ने कम्पनी फुडमाण्डुको वेबसाइटमा साइवर हमला भएको छ।</p>
<p>२४ फागुन राती वेबसाइटमा साइबर हमला भएको फुडमाण्डुका प्रमुख कार्यकारी अधिकृत निदान श्रेष्ठले बताए।</p>
<p>वेबसाइट ह्याक गरी ग्राहकको व्यक्तिगत विवरण चोरी भएको फुडमाण्डुले जारी गरेको विज्ञप्तिमा उल्लेख छ। ह्याकरले फुडमाण्डुका ग्राहकको नाम, ठेगाना, इमेल र फोन नम्बर चोरी गरेको कम्पनीले बताएको छ। </p>
<p>ग्राहकको व्यक्तिगत विवरण सुरक्षित राख्न प्रतिवद्ध भए पनि सामान्य प्राविधिक समस्या पत्ता लगाएर ह्याकरले फुडमाण्डुको वेबसाइट ह्याक गरेको र त्यसलाई अहिले समाधान गरिसकिएको श्रेष्ठले बताए। </p>
<p>कम्पनी अहिले नेपाली प्रहरी अन्तर्गतको विद्युतीय अपराध शाखामा वेबसाइट ह्याक भएको बारे जानकारी गराएको र विद्युतीय अपराध शाखाले थप अनुसन्धान गरिरहेको फुडमाण्डुको विज्ञप्तिमा उल्लेख छ। </p>
<p>ह्याकरको हमलाको कारण फुडमाण्डुको नियमित सेवामा कुनै असर भने नपरेको श्रेष्ठले बताए। </p>
प्रतिक्रिया दिनुहोस्
.jpg)
