टीका लगाउन हिडेका श्रीमान श्रीमतीको खोलाले बगाएर मृत्यु
<p>दैलेख। घरमा टीका लगाएर ससुराली हिंडेका एक दम्पतीको खोलाले बगाउँदा मृत्यु भएको छ।</p>
<p>दैलेखको दुल्लु नगरपालिका-११ का ४५ वर्षीय इन्द्रबहादुर सुनार र उनकी श्रीमती ४० वर्षीय खगिसरा सुनारको टीका लगाउन जाँदै गर्दा २१ असोज राती थामघाट खोलामा बगेर मृत्यु भएको जिल्ला प्रहरी कार्यालय दैलेखको सञ्चार कक्षले जनाएको छ।</p>
<p>सुनार दम्पती नारायण नगरपालिका २ स्थित ससुरालीमा टीका लगाउन जाँदै थिए।</p>
<p>प्रहरीका अनुसार दुवैजनाको शव पोष्टमार्टमका लागि दैलेख अस्पतालमा राखिएको छ। <br />
<br />
</p>
प्रतिक्रिया दिनुहोस्
.jpg)
