यूएईमा रहेका दुई जना नेपालीमा कोरोना भाइरस संक्रमण
<p>काठमाडौं। युनाइटेड अरब इमिरेट्स (युएई) को स्वास्थ्य मन्त्रालयले आज थप १४ जनामा कोरोना भाइरसको संक्रमण भएको जनाउँदै त्यसमध्ये दुई जना नेपाली भएको पुष्टि गरेको छ। </p>
<p>२५ फागुनसम्म ४५ जनामा संक्रमण देखिएकोमा आज थप १४ जनामा फैलिएको पाइएको हो।</p>
<p>थप संक्रमित १४ जनामध्ये दुई जना नेपाली, तीन जना इटालियन, दुई जना बंगलादेशी नागरिक तथा रसियन, भारतीय र सिरियाली नागरिक एक-एक जना छन्।</p>
<p>चार जना भने यूएईकै नागरिक रहेको त्यहाँको स्वास्थ्य मन्त्रालयद्वारा जारी विज्ञप्तिमा उल्लेख छ। <br />
</p>
प्रतिक्रिया दिनुहोस्
.jpg)
