तराईमा आज होली मनाइँदै
<p>काठमाडौं। रंगहरूको पर्व मानिने होली अर्थात् फागु पर्व आज तराईमा मनाइँदै छ।</p>
<p>पहाडी तथा हिमाली क्षेत्रमा होली मनाएको भोलिपल्ट तराईका जिल्लामा होली मनाउने चलन छ।</p>
<p>तराईका जिल्लामा आज रंग अवीर दलेर, शुभकामना साटासाट गर्दै, विभिन्न गीत गाउँदै होली पर्व मनाउने गरिन्छ।</p>
<p>तराईका धनुषा, सर्लाही, बारा, पर्सा, रौतहट, सिरहा, सप्तरी, झापा, मोरङ, सुनसरी, बाँके, बर्दिया, कैलालीलगायतका जिल्लामा आज बिहानैदेखि होली मनाउनेहरुको चहलपहल बढेको छ ।</p>
<p>होली पर्वको अवसरमा तराईका जिल्लाहरूमा आज सरकारले सार्वजनिक बिदा दिएको छ।</p>
<p>वसन्त ऋतुको आगमनसँगै मेलमिलाप र आपसी सद्‍भावको सन्देश लिई आउने होली विभिन्‍न रङ र लोला खेली मनाउने परम्परा छ।</p>
<p>विष्णुका भक्त प्रह्लादलाई मार्न बहिनी होलिकाले प्रल्हादलाई काखमा राखेर अग्निमा दहन हुँदा होलिका मरेकी र प्रल्हाद भने जीवितै रहेको पुराणको कथा प्रसंग होलीसँग जोडिएको छ।</p>
<p>होली पर्वमा विभिन्न रंग दल्ने परम्परा रहे पनि पछिल्लो समय स्वास्थ्यलाई हानिकारक हुने विभिन्‍न कलरहरूको प्रयोग गरिने प्रचलन बढेसँगै सचेत भई रंग खेल्न चिकित्सकको सुझाव छ।</p>
<p> कोरोना भाइरस संक्रमणको सन्त्राससँगै यस वर्षको होली भने उल्लासमय देखिएको छैन।</p>
प्रतिक्रिया दिनुहोस्
.jpg)
