कोरोनाबाट जोगिन इटलीमा देशैभर आवतजावतमा प्रतिबन्ध, ६ करोडलाई क्वारेन्टाइनमा राख्ने तयारी
<p>काठमाडौं। कोरोना भाइरसको बढ्दो संक्रमसँगै सतर्कतास्वरुप इटलीमा देशैभर आवतजावतमा प्रतिबन्ध लगाइएको छ।</p>
<p>पछिल्लो २४ घण्टामा इटलीमा कोभिड-१९ बाट एक सयजनाको मृत्यु भएको छ।</p>
<p>अहिलेसम्म त्यहाँ ४६३ जनाको मृत्यु भएको छ। बितेको दुई हप्तामा ९ हजार जनाभन्दा बढी प्रभावित भएका छन्।</p>
<p>गएराति इटलीका प्रधानमन्त्री गुसेप कोन्टेले भने, "भविश्य हामीमाथि निर्भर छ, हामी सबैले आ-आफ्नो भूमिका निर्वाह गर्नुपर्छ।"</p>
<p>त्यहाँको सरकारले आफ्ना नागरिकलाई जमघट नगर्न, घरभित्रै बस्न आग्रह गर्दै अत्यावश्यक कामका लागि मात्र बाहिर निस्कन अनुरोध गरेको छ।</p>
<p><img alt="" height="540" src="https://www.dekhapadhi.com/storage/photos/shares/Health/italy corona effect 1.jpg" width="960" /></p>
<p>कोरोनाको महामारीसँगै खाद्यान्‍न र अत्यावश्यक सामान खरीद गर्न नागरिकको सुपरमार्केटहरूमा भीड लागेको छ।</p>
<p>इटलीभरका सम्पूर्ण शिक्षण संस्था ३ अप्रिलसम्ममलाई बन्द गर्ने निर्णय गरिएको छ। त्यस्तै फुटबललगायतका पूर्वनिर्धारित सबै खेलहरू रद्द गरिएको छ। </p>
<p>सोही दिनसम्म ६ करोड व्यक्तिलाई क्‍वारेन्टाइनमा राख्ने तयारी गरिएको छ।</p>
<p>त्यसको लागि इटलीको उत्तरी क्षेत्रमा क्वारेन्टाइनको व्यवस्थापन थालिएको छ।</p>
<p>यातायात सेवा भने सुचारु छ।</p>
<p>गत डिसेम्बरको अन्त्यबाट चीनको वुहानमा देखिएको कोरोना भाइरसको संक्रमण अहिले विश्‍वव्यापी फैलिएको छ।</p>
<p>विश्व स्वास्थ्य संगठनका प्रमुख निर्देशक टेड्रोस अधानोम गेब्रीयससले हिजो, २५ फागुनमा पत्रकार सम्मेलनमा कोभिड-१९ <a href="https://dekhapadhi.com/news/8193" target="_blank">विश्वव्यापी महामारी बन्ने त्रास यथावत</a> रहेको बताएका छन्।</p>
<p><strong>पढ्नुहोस्:</strong></p>
<p><a href="https://dekhapadhi.com/news/8193" target="_blank">विश्व स्वास्थ्य संगठनका निर्देशक भन्छन्- ‘कोभिड-१९ विश्वव्यापी महामारी बन्ने खतरा छ’</a></p>
प्रतिक्रिया दिनुहोस्
.jpg)
