चिनियाँ राष्ट्रपति २५ असोजमा नेपाल आउने
<p>काठमाडौं। चिनियाँ राष्ट्रपति सी चिनफिङ २५ असोजमा नेपाल भ्रमणमा आउने भएका छन्। </p>
<p>परराष्ट्र मन्त्रालयले आज विज्ञप्‍ति जारी गरेर राष्ट्रपति सीको नेपाल भ्रमण २५ देखि २६ असोजसम्म हुने जनाएको छ।</p>
<p>मन्त्रालयका अनुसार राष्ट्रपति विद्यादेवी भण्डारीको औपचारिक निमन्त्रणामा चिनियाँ राष्ट्रपति सी चिनफिङ २५ असोजदेखिको दुई दिने राजकीय भ्रमणमा आउने तय भएको हो।</p>
<p>यसअघि राष्ट्रपति सी २७ असोजमा नेपाल आउने भनिएपनि भ्रमण २ दिन छिटो हुन लागेको हो।</p>
<p>चिनियाँ राष्ट्रपति सीको सम्मानमा राष्ट्रपति भण्डारीले रात्रीभोजको आयोजना गर्ने परराष्ट्र मन्त्रालयको विज्ञप्तीमा उल्लेख छ।</p>
<p> <img alt="" height="635" src="https://www.dekhapadhi.com/storage/photos/shares/Press Release.png" width="500" /></p>
<p>चिनियाँ राष्ट्रपति सी र प्रधानमन्त्री केपी शर्मा ओलीको उपस्थितिमा दुई पक्षीय वार्ता हुनेछ। दुवै देशका प्रतिनिधि सम्मिलित वार्तामा दुई पक्षीय सम्झौता हुनेछ।</p>
<p>दुई दिने नेपाल भ्रमणको क्रममा चिनियाँ राष्ट्रपति सीसँग नेपालका अन्य राजनीतिक दलका शीर्ष नेताले पनि भेट्ने कार्यक्रम रहेको परराष्ट्र मन्त्रालयले जनाएको छ। </p>
<p>यस्तै भारतीय विदेश मन्त्रालयले जारी गरेको विज्ञप्तिमा चिनियाँ राष्ट्रपति सीले २४ असोजमा भारतको राजकीय भ्रमण गर्ने उल्लेख गरेको छ।</p>
<p>सी भारत हुँदै नेपाल आउने छन्। </p>
<p>चीनको परराष्ट्र मन्त्रालयले पनि आज बेइजिङमा पत्रकार सम्मेलन गरेर राष्ट्रपति सी चिनफिङको नेपाल भ्रमणको औपचारिक घोषणा गरेको छ।</p>
<p>परराष्ट्र मन्त्रालयकी प्रवक्ता हुवा चुनयीङले राष्ट्रपति सीले राष्ट्रपति सी चिनफिङले भारतको तमिलनाडु राज्यको चेन्नईमा भारतीय प्रधानमन्त्री नरेन्द्र मोदीसँग दोस्रो अनौपचारिक बैठकमा सहभागी हुने बताएकि छन्।</p>
<p>प्रवक्ता चुनयीङका अनुसार राष्ट्रपति चिनफिङले १२-१३ अक्टुबरमा नेपालको राजकीय भ्रमण गर्ने छन्। </p>
<p><span style="color:#1abc9c;"><strong>यो पनि पढ्नुहोस्:</strong></span></p>
<p><a href="https://dekhapadhi.com/news/236">चिनियाँ राष्ट्रपति २७ असोजमा आउँदै, केरूङ-काठमाडौं रेलमार्ग र सुरूङ मार्गमा सम्झौता हुने</a></p>
<p> </p>
प्रतिक्रिया दिनुहोस्
.jpg)
