कोरोना भाइरस : नेपालमा परीक्षण गरिएका ४४१ जना कसैमा संक्रमण देखिएन
<p>काठमाडौं। कोरोना भाइरस संक्रमणको आशंकामा नेपालमा हालसम्म ४४१ जनाको नमुना परीक्षण गरिएको छ।</p>
<p>परीक्षण गरिएका सबैमा कोरोना भाइरस नदेखिएको स्वास्थ्य मन्त्रालयले जनाएको छ।</p>
<p>माघ पहिलो साता चीनको वुहानबाट आएका एकजना नेपालीमा हङकङमा गरिएको नमुना परीक्षणबाट कोरोना संक्रमणको पुष्टि भएको थियो।</p>
<p>पछिल्लो पटकको नमूना परीक्षणमा ती व्यक्तिको पनि रिपोर्ट नेगेटिभ मन्त्रालयले बताइसकेको छ।</p>
<p>त्यसको लगत्तै टेकुस्थित राष्‍ट्रिय जनस्वास्थ्य प्रयोगशालाबाटै कोभिड-१९ को परीक्षण शुरू गरिएको हो।</p>
<p>स्वास्थ्य मन्त्रालयद्वारा जारी पछिल्लो विज्ञप्तिमा कोरोनाको संक्रमित जोखिमलाई ध्यान दिएर जनशक्ति र उपकरणको व्यवस्थापन गरिएको उल्लेख छ।</p>
<p>औषधिको अभाव हुन नदिन बजार अनुगमन बढाइएको भन्दै देशभित्रको औषधि उत्पादन क्षमतालाई बढाउन पहल भइरहेको प्रवक्ता डा. विकास देवकोटाद्वारा हस्ताक्षारित विज्ञप्तिमा भनिएको छ।</p>
प्रतिक्रिया दिनुहोस्
.jpg)
