शेयर बजारमा पहिराे- दोस्रो पटक नेगेटिभ सर्किट, ७२ अंकले घट्याे नेप्से
<p>काठमाडौं। सेयर बजारमा आज नेप्से ७२ अङ्कले घटिसकेको छ। १४३५ अंकमा खुलेको शेयर बजार आज निरन्तर ओरालो लागेको छ।</p>
<p>विश्व बजारमै स्टक मार्केटमा पहिरो गइरहेको बेला नेपालको धितो पत्र बजारले पनि विश्व बजारकै ट्रेण्ड समातेको छ।</p>
<p>आजको कारोबार खुलेसँगै शुरूमा एक अङ्कले नप्से बढेको भए पनि अहिले ५ प्रतिशतले घटेर १३६३ अंकमा आएको छ।</p>
<p>कोरोना संक्रमणको त्रासमा रहेका लगानीकर्ता विश्व बजारमा संकुचन आउने डरले लगानी गर्न डराइरहेका छन्। </p>
<p>दिउँसो १२ः५० बजेसम्ममा ९ करोड १८ लाख ९७ हजार १ सय ४१ रुपैयाँको कारोबार भएको छ। </p>
<p>नेप्से निरन्तर ओरालो लागेपछि केही समयको लागि कारोबार स्थगित गरिएको छ। नेप्सेमा सबै उपसूचकहरू रातो भएका छन्। बैंकिङ समूहको सूचक ७० अंकभन्दा बढीले घटिसकेको छ।</p>
<p>दाेस्राे नेगेटिभ सर्किट लागेर बन्द भएकाे बजार २ बजेर ११ मिनेटमा फेरि खुल्ने छ।</p>
प्रतिक्रिया दिनुहोस्
.jpg)
