स्वास्थ्यमन्त्रीले भने- 'कोरोनाको शंका लागेमा सेल्फ क्वारेन्टाइनमा बस्नू, उपचारको जिम्मा सरकारले लिन्छ’
<p>काठमाडौं। स्वास्थ्यमन्त्री भानुभक्त ढकालले कोरोना भाइरस संक्रमणको शंका लागेमा सेल्फ (आफै) क्वारेन्टाइनमा बस्न अनुरोध गरेका छन्।</p>
<p>विश्वव्यापी फैलिँदै गएको कोरोना भाइरसको सम्भावित संक्रमणको नियन्त्रण र पूर्वतयारीबारे राष्ट्रिय युवा संघको ध्यानाकर्षण पत्र बुझ्दै मन्त्री ढकालले भन, “ज्वरो आउने र रुघाखोकी देखिएमा अस्पतालमा परीक्षण गराउने व्यवस्था गर्छैँ। कुनै व्यक्तिमा संक्रमण देखिए त्यसको जिम्मा सरकारले लिन्छ।”</p>
<p>चीनबाट विद्यार्थी ल्याएर क्वारेन्टाइनमा राखे जसरी नराख्ने बताउँदै ढकालले विश्व स्वास्थ्य संगठनको मापदण्ड अनुसार आफैँ क्वारेन्टाइनमा बस्न आग्रह गरे।</p>
<p>‘‘क्वारेन्टाइन भन्ने वित्तिकै मान्छेहरूले हिजो चीनबाट विद्यार्थी ल्याएर सरकारले गर्ने, सरकारकै व्यवस्थापनमा गर्ने भन्ने कुरा नगरौँ। दिनैपिच्छे ज्वरु आको छ छैन भन्ने नाप्न सकिहालिन्छ। कति दूरी मेन्टेन गर्ने, के खाने, के गर्ने, के नगर्ने भन्ने प्रोटोकल हामीले तयार गरेका छौँ।”</p>
<p>ठूलो समूहमा क्वारेन्टाइनमा राख्नुपर्ने अवस्थामा खरीपाटी क्वारेन्टाइनमा राखिने मन्त्री ढकालको भनाइ छ।</p>
<p>युवा संघले सामाजिक सञ्जाल र विभिन्न आम सञ्चार माध्यमबाट अड्कलबाजीमा सूचना सम्प्रेषण भइरहेको सन्दर्भमा आधिकारि सूचना जारी गर्ने व्यवस्था गर्न सरकारको ध्यानाकर्षण गराएको छ।</p>
प्रतिक्रिया दिनुहोस्
.jpg)
