नेपाल एअरलाइन्सले रोक्यो कतारको उडान, टिकट बुकिङ गरेकालाई पूरै पैसा फिर्ता
<p>काठमाडौं। नेपाल वायुसेवा निगमले कतारको उडान अर्को सूचना नभएसम्मको लागि स्थगित गरेको छ।</p>
<p>कतारले नेपाललगायत १४ देशका नागरिकलाई अनिश्चित कालसम्मको लागि प्रवेश बन्द गरेपछि उडान रोक्न बाध्य हुनुपरेको नेपाल वायुसेवा निगमका प्रवक्ता अर्चना खड्काले देखापढीसँग बताइन्।</p>
<p>नेपाल एअरलाइन्सले कतारमा दैनिक एक उडान गरिरहेको थियो। उडान बन्द भएपछि २६ फागुन पछाडिको उडानका लागि टिकट खरीद गरेका यात्रुलाई पुरै पैसा फिर्ता दिने खड्काले जानकारी दिइन्।</p>
<p>कतारमा उडान गर्दै आएको निजी क्षेत्रको वायुसेवा कम्पनी हिमालय एअरलाइन्सले पनि उडान रोकिसकेको छ।</p>
प्रतिक्रिया दिनुहोस्
.jpg)
