फ्रान्सका संस्कृतिमन्त्रीलाई पनि काेराेना भाइरसकाे संक्रमण
<p>काठमाडौं। फ्रान्सका संस्कृतिमन्त्री फ्राङ्क रेइस्टरलाई पनि नोबेल कोरोना भाइरसको संक्रमण भएको पुष्टि भएको छ। त्यहाँका स्वास्थ्यमन्त्रीले संस्कृतिमन्त्रीले निवासमै आराम गरिरहेको स्थानीय टेलिभिजनलाई बताएका छन्। </p>
<p>२६ फागुनमा स्थानीय मिडियाले फ्रान्सका पाँच जना सांसद कोरोना भाइरसबाट संक्रमित भएको रिपोर्ट गरेका थिए। साथै संसदको क्यान्टिनमा काम गर्ने कर्मचारीलाई पनि संक्रमण देखिएको थियो। जहाँबाट सम्भवत सबै सांसदले खाना÷खाजा लिएका हुनसक्छन्।</p>
<p>संस्कृतिमन्त्री रेइस्टरलाई ती संक्रमित भएका पाँच जना सांसदमध्येबाट सरको आशंका गरिएको छ। किनकी संक्रमणको पुष्टि हुनुअघि उनले संसदको भ्रमण गरेका थिए र त्यहाँका केही सांसदसँग छलफल गरेका थिए।</p>
<p>पछिल्लो दुई सातादेखि मन्त्रिपरिषद् बैठकमा कसैले पनि एकअर्कासँग हात नमिलाएको त्यहाँका स्वास्थ्यमन्त्रीले बताएका छन्। </p>
<p>फ्रान्समा एक हजार ४१२ जना संक्रमित भएकामध्ये २६ फागुन दिउँसोसम्म २५ जनाको मृत्यु भइसकेको छ। </p>
<p><br />
</p>
प्रतिक्रिया दिनुहोस्
.jpg)
