विश्व स्वास्थ्य संगठनद्वारा कोभिन-१९ लाई विश्वव्यापी महामारी घोषणा
<p>काठमाडौं। विश्व स्वास्थ्य संगठन (डब्लुएचओ) ले कोरोना भाइरसको संक्रमणबाट लाग्ने रोग (कोभिन-१९) लाई विश्वव्यापी महामारी घोषणा गरेको छ।</p>
<p>विश्व स्वास्थ्य संगठनका प्रमुख निर्देशक डा. टेड्रोस अधानोम गेब्रीयससले अन्तिम दुई सातामा चीन भन्दाबाहिर संक्रमितको संख्या १३ गुणाले बढेको बताए।</p>
<p>उनले संक्रमणले खतराको घण्टी बजाइरहेको अहिलेको अवस्थाप्रति आफू गहिरो चिन्तामा रहेको उल्लेख गरे। </p>
<p>कुनै रोग एकै समयमा धेरै देशमा फैलिएमा डब्लुएचओले विश्वव्यापी महामारी घोषणा गर्छ। </p>
<p>डा. टेड्रोसले कोभिन-१९ लाई विश्वव्यापी महामारी घोषणा गरे पनि यसको नियन्त्रणका लागि देशहरूले गर्नुपर्ने कामबारे डब्लुएचओले दिएका सुझावलाई कुनै परिवर्तन नगर्ने बताए। </p>
<p>उनले सरकारहरूलाई संक्रमणका विरूद्ध तत्काल र आक्रमक कारवाही गर्न आग्रह गरे। "यो भाइरसको संक्रमणलाई नियन्त्रण गर्न सकिन्छ भन्ने कैयौं देशले देखाएका छन्" उनले भने, "सबै देशका सरकारले स्वास्थ्य सुरक्षा, क्षति न्युनिकरण र मानव जीवनको सम्मानबीच सन्तुलन कायम गर्नपर्छ।"</p>
<p><strong>पढ्नुहोस्</strong></p>
<p><strong><a href="https://dekhapadhi.com/news/8193" target="_blank">विश्व स्वास्थ्य संगठनका निर्देशक भन्छन्- ‘कोभिड-१९ विश्वव्यापी महामारी बन्ने खतरा छ’</a></strong></p>
<p><strong><a href="https://dekhapadhi.com/news/8303" target="_blank">कोभिड-१९ महामारीको संघारमै उभिएर के गर्दैछौँ हामी ?</a></strong></p>
प्रतिक्रिया दिनुहोस्
.jpg)
