कोरोनाको कारण देखाउँदै कृत्रिम अभाव बढेपछि इटहरीमा अनुगमन
<p>इटहरी। कोरोना भाइरस संक्रमण विश्‍वव्यापी फैलिरहेको बेला इटहरीमा दैनिक उपभोग्य सामान, मास्क अभाव हुन थालेको छ।</p>
<p>बजारमा कृत्रिम अभाव बढाइएपछि इटहरी उपमहानगरपालिकाले बजार अनुगमन गरेको छ।</p>
<p>खाद्यान्‍न, खाना पकाउने ग्याँस, मास्क लगायतका अत्यावश्यक सामानहरूको अभाव हुन थालेको उपभोक्ताको गुनासो आएपछि अनुगमन गरिएको इटहरी उपमहानगरपालिकाकी उपमेयर लक्ष्मी गौतमले बताइन्।</p>
<p>अनुगमनको क्रममा दुईवटा डिलरमा ग्याँस सकिएको र एकजना विक्रेताले लुकाएको भेटिएको गौतमले बताइन्।</p>
<p>त्यस्तै इटहरी क्षेत्रका सबै मेडिकल पसलेले मास्क नभएको बताएका छन्।</p>
<p>व्यापारीहरूलाई अत्यावश्यक वस्तुहरूको अभाव सिर्जना गरे कारवाही गरिने भन्दै अनुगमनको क्रममा सचेत गराइएको छ।</p>
प्रतिक्रिया दिनुहोस्
.jpg)
