युभेन्टसका रक्षक रूगानीमा कोरोना भाइरस संक्रमण
<p>काठमाडौं। इटालियन महारथी युभेन्टसले आफ्नो रक्षक डेनियल रूगानीलाई कोरोना भाइरस परीक्षणमा ‘पोजेटिभ’ देखिएको जनाएको छ।</p>
<p>इटालीका रक्षक रूगानीमा कोरोना भाइरस पोजेटिभ देखिएपछि सिरी ‘ए’ क्लब युभेन्टसले नियमानुसार सम्पुर्ण सावधानी अपनाएको जनाएको छ।</p>
<p>रुगानीको सम्पर्कमा भएका हरूलाई पनि निगरानीमा राखिएको क्लबलले जनाएको छ।</p>
<p>कोरोना भाइरसका कारण इटालीमा ३ अप्रिलसम्मका लागि सम्पूर्ण खेलकुद गतिबिधि स्थगित गरिएको छ।</p>
<p>२५ वर्षे रूगानीले यस सिजन युभेन्टसबाट सात खेलमात्र खेलेका छन्।</p>
<p>क्लबले उनको उपचारका लागि आवश्यक सबै कदम चालिएको जनाएको छ।</p>
<p>रूगानीले युभेन्टसबाट चार सिरी ‘ए’ उपाधि जितेका छन् भने इटालीबाट सात खेल खेलेका छन्।</p>
<p>इटालीमा १२ हजारभन्दा धेरैमा कोरोना भाइरस संक्रमण देखिएको छ भने ८२७ को मृत्यु भइसकेको छ।</p>
<p>इटाली फुटबल संघले कोरोना भाइरसका कारण सिरी ‘ए’ सिजन पूर्ण हुन नसक्ने जनाइसकेको छ।</p>
प्रतिक्रिया दिनुहोस्
.jpg)
