नेत्रविक्रम चन्द समूहका उदयपुर सेक्रेटरी पक्राउ
<p>काठमाडौं। नेत्रविक्रम चन्द नेतृत्वको नेपाल कम्युनिष्‍ट पार्टीका उदयपुर सेक्रेटरी जीतबहादुर मगरलाई प्रहरीले पक्राउ गरेको छ।</p>
<p>आज बिहान गढी गाउँपालिका-७, अँधेरीबाट मगरलाई पक्राउ गरिएको उदयपुर प्रहरी प्रमुख एसपी वीरबहादुर बुढा मगरले <em>देखापढी</em>लाई बताए।</p>
<p>"हामीले उनको साथबाट ३ थान मोवाइल, पर्चा र चन्दा रसिदहरू बरामद गरेका छौं", उनले भने।</p>
<p>उदयपुरमा नेत्रविक्रम समूहका जिल्ला इन्चार्ज बाबुराम सुवेदी र सेक्रेटरी सुरेन्द्र थापालाई प्रहरीले यसअघि पक्राउ गरिसकेको छ।</p>
<p>थापाको पक्राउपछि मगर सेक्रेटरीको जिम्‍मेवारीमा थिए।</p>
<p>उदयपुर प्रहरीले नेकपाको सगरमाथा व्यूरोका तत्कालीन इन्चार्ज दिपेश राईलाई लाई पक्राउ गरेको थियो।</p>
प्रतिक्रिया दिनुहोस्
.jpg)
