प्राइम कमर्सियल बैंकमा गाभियो कैलास विकास बैंक, २०० नेटवर्कको सञ्जाल
<p>काठमाडौं। प्राइम कमर्सियल बैंकले कैलाश विकास बैंकलाई प्राप्ति गरी एकीकृत कारोबार शुरू गरेको छ।</p>
<p>आज काठमाडौंमा एक कार्यक्रम अयोजना गरी बैंकले एकीकृत कारोबारको औपचारीक घोषणा गरेको हो।</p>
<p>गत २० असारमा भएको सम्झौताअनुसार कैलाश विकास बैंकलाई प्राइम कमर्सियल बैंकले १०० बराबर ९४ दरको स्वाप रेसियोमा प्राप्ति गरेको हो।</p>
<p>प्राइममा र कैलाश गाभिएपछि बनेको प्राइम कमर्सियल बैंकको चुक्ता पूँजी करीब १४ अर्ब रुपैयाँ पुगेको छ भने पूँजीकोष करीब १९ अर्ब पुगेको छ।</p>
<p>एकीकृत कारोबारको औपचारीक शुरूवात गर्दै बैंकका अध्यक्ष राजेन्द्रदास श्रेष्ठले बैंकले आफ्नो पूँजी बढाई अझ विश्वासिलो र भरपर्दो सेवा प्रदान गर्नका लागि मर्जरलाई विशेष प्राथमिकतामा राखेको बताए।</p>
<p>उनले कैलाश विकास बैंकलाई प्राप्ति गरेपछि बैंकको पोर्टफोलियो १ खर्ब ३० अर्ब भन्दा बढी पुगेको बताए।</p>
<p>मर्जपछि बैंकको शाखा १ सय ९९ पुगेको छ। केन्द्रीय कार्यलयसम्म गरेर प्राइमको नेटवर्क २०० पुगेको छ। त्यस्तै, बैंकको निक्षेप १ खर्ब २८ अर्ब र कर्जा लगानी १ खर्ब १५ अर्ब पुगेको छ।</p>
प्रतिक्रिया दिनुहोस्
.jpg)
