अमेरिकी अभिनेता टम ह्यान्क्स र उनकी पत्नी रिटा विल्सनलाई कोरोना भाइरस संक्रमण
<p>काठमाडौं। अमेरिकी अभिनेता टम ह्यान्क्सले आफू र आफ्नी पत्नी रिटा विल्सनलाई कोरोना भाइरसको संक्रमण भएको सार्वजनिक गरेका छन्। ६३ वर्षीय ह्यान्क्स अहिले फिल्म सुटिङको क्रममा अष्ट्रेलियाको गोल्ड कोस्टमा छन्।</p>
<p>आज इन्स्टाग्राममा उनले कोरोना भाइरस संक्रमण भएको सार्वजनिक गरेका हुन्। "म र विल्सनले थाकेको र चिसो लागेजस्तो महसुस गरेपछि जाँच गराउँदा कोरोना भाइरसको संक्रम भएको पुष्टि भयो", ह्यान्क्सले इन्टाग्राम पोस्ट्मा उल्लेख गरेका छन्।</p>
<p style="text-align:center"><img alt="" height="547" src="https://www.dekhapadhi.com/storage/photos/shares/Health/tom hanks.JPG" width="794" /></p>
<p>"अब के गर्ने त ? स्वास्थ्य अधिकारीहरूले संक्रमित भएपछि गर्नुपर्ने कामबारेका मापदण्ड बनाएका छन्। हामीलाई परिक्षण गरिएको छ। सार्वजनिक स्वास्थ्यका लागि आवश्यक अवधिसम्म हामीलाई आइसोलेसेनमा राखिनेछ", ह्यान्क्सको आधिकारिक इन्स्टाग्राम अकाउन्टमा पोस्ट गरिएको छ।</p>
<p>यो जोडीलाई अहिले गोल्ड कोस्ट् अस्पतालमा आइसोलेसनमा राखिएको ‘द गार्जियन’ले उल्लेख गरेको छ। उनीसँग सम्पर्कमा आएका व्यक्तिहरूलाई पनि क्वारेन्टाइनमा रााखिएको जनाइएको छ। <br />
</p>
प्रतिक्रिया दिनुहोस्
.jpg)
