टर्कीद्वारा उत्तरी सिरियामाथि हवाई तथा स्थल आक्रमण
<p>टर्कीले उत्तरी सिरियामा हवाई हमला गरेको केही घण्टामै स्थल आक्रमण सुरु गरेको छ। टर्कीका फौज युफ्रेटिज नदीको पूर्वी क्षेत्रमा पसेका छन्।</p>
<p>टर्कीका राष्ट्रपति रेजप ताय्यिप एर्दोआनले सैन्य कारबाहीको उद्देश्य त्यहाँबाट कुर्द लडाकूहरूलाई हटाएर सिरियाली शरणार्थीका निम्ति सुरक्षित क्षेत्र निर्माण गर्नु रहेको बताएका छन्।</p>
<p>आक्रमणपछि स्थानीयबासिन्दा त्यहाँबाट भागेका छन्।</p>
<p>अमेरिकी राष्ट्रपति डोनाल्ड ट्रम्पले टर्कीले गरेको हमलालाई बेठीक भन्दै आलोचना गरेका छन्।</p>
<p>राष्ट्रपति ट्रम्पले उत्तरी सिरियाबाट आफ्नो फौज फिर्ता गरेको केही दिनमै टर्कीले कुर्द क्षेत्रमा हमला गरेको बीबीसीले जनाएको छ।</p>
<p>अमेरिकाको उक्त कदमले टर्कीलाई आक्रमण गर्न बाटो खुलेको ठानिएको छ।</p>
<p>२२ असोजमा टर्कीको सेनाले सीमा क्षेत्रमा रहेका कैयौँ सिरियाली नगरहरूमा हवाई हमला तथा गोलाबारी गरेको थियो।</p>
<p><img alt="" height="400" src="https://www.dekhapadhi.com/storage/photos/shares/International/turkey attack syria1.jpg" width="640" /></p>
<p>बुधवार अबेर टर्कीको फौजले तल अब्याद नगरमा स्थल आक्रमण गरेको छ। सो नगर कुर्द समूह वाइपीजीको नियन्त्रणमा थियो।</p>
<p>टर्कीले सैन्य निशानामा मात्र आक्रमण गरेको बताएको छ। तर, एक पर्यवेक्षक समूहले भने कम्तीमा १० जना गैरसैनिक मारिएको बताएको छ।</p>
<p>टर्कीको हमलाको पश्चिमा मुलुकहरूले निन्दा गरेका छन्।</p>
<p>फ्रान्स, जर्मनी तथा ब्रिटेनले संयुक्त राष्ट्रसंघको सुरक्षा परिषदको बैठक आह्वान गरेका छन्।</p>
प्रतिक्रिया दिनुहोस्
.jpg)
