कोरोना भाइरसको संक्रमणबाट भारतमा एकजनाको मृत्यु
<p>काठमाडौं। कोरोना भाइरसको संक्रमणबाट भारतमा पनि एक जनाको मृत्यु भएको छ।</p>
<p>भारत केन्द्र सरकारलाई उद्धृत गर्दै बीबीसीले लेखे अनुसार कर्नाटक राज्य कालाबुर्गीका ७६ वर्षीय वृद्धको मृत्यु भएको हो। कोरोना भाइरसको संक्रमणबाट भारतमा मृत्यु हुने यी पहिलो व्यक्ति हुन्।</p>
<p>केही दिनअघि साउदीबाट फर्किएका ती वृद्धको श्वासप्रश्वाससम्बन्धी समस्या देखिएपछि एक साताअघिबाट चिकित्सकले उनको घरमै उपचार शुरू गरेका थिए।</p>
<p>२६ फागुनमा स्थानीय एक निजी अस्पतालमा भर्ना भएका उनको प्रारम्भिक जाँचमा कोरोना भाइरसको संक्रमण पाइएको थियो।</p>
<p>भारतमा अहिलेसम्म ७३ जनामा कोरोना भाइरस सङ्क्रमण भएको पुष्टि भएको छ।</p>
प्रतिक्रिया दिनुहोस्
.jpg)
