भरतपुर अस्पतालमा १९ शैय्याको छुट्टै वार्ड
<p>काठमाडौं। कोरोनाको सम्भावित संक्रमणको पूर्वतयारी गर्दै भरतपुर अस्पतालमा १९ बेडको आइसोलेशन वार्ड (छुट्टै कक्ष) स्थापना गरिएको छ।</p>
<p>कोरोना रोग रोकथाम तथा नियन्त्रण समन्वय समितिको बैठकले २९ फागुनदेखि पाँचबाट बढाएर १९ शैय्या पुर्‍याइएको अस्पताल प्रमुख डा. श्रीराम तिवारीले बताए। </p>
<p>अस्पतालले विज्ञप्ति जारी गर्दै शंकास्पद कोही बिरामी आए उपचारका लागि आइसोलेसन वार्डको क्षमता बढाएको जनाएको छ।</p>
<p>त्यस्तै अस्पतालमा १३ सदस्य रहेको कोरोना आउट ब्रेक म्यानेजमेन्ट टीम बनाइएको छ। </p>
<p>भरतपुर अस्पतालले हिजै, २९ फागुनमा एक शंकास्पद बिरामीको नमूना परीक्षणका टेकुस्थित राष्ट्रिय जनस्वास्थ्य प्रयोगशालामा पठाएको छ। </p>
प्रतिक्रिया दिनुहोस्
.jpg)
