आर्सनलका प्रशिक्षक आर्टेटालाई कोरोना भाइरस संक्रमण, आर्सनलको पुरै टीम क्वारेन्टाइनमा
<p>काठमाडौं(एजेन्सी)। इंग्लिस प्रिमियर लिग क्लब आर्सनलका मुख्य प्रशिक्षक मिकेल आर्टेटालाई कोरोना भाइरसको संक्रमण भएको छ।</p>
<p>क्लबले आज राति यसको पुष्टि गरेको हो।</p>
<p>प्रिमियर लिगले बेलायतमा कोरोना भाइरस संक्रमणका कारण प्रिमियर लिगका खेलहरुमा कुनै असर नपर्ने धारणा सार्वजनिक गरेको केही घण्टामै आर्टेटामाथि संक्रमण पुष्टि भएको हो।</p>
<p>आर्सनलले विज्ञप्तिमार्फत् भनेको छ, हामीले लण्डन कोल्नी तालीम केन्द्र लक डाउन गरेका छौं र हाम्रा प्रशिक्षक आर्टेटालाई कोभिड १९ पोजिटिभ देखिएको छ।</p>
<p>आर्सनलले यसबीचमा आर्टेटासँग सम्पर्कमा आएका क्लबका अन्य पदाधिकारी, कर्मचारी र खेलाडीलाई पनि क्वारेन्टाइनमा राखिने जनाएको छ। तालिम केन्द्र बन्द गरिएको छ।</p>
<p>आर्टेटाले आफूले कमजोर महशुस गरेपछि स्वास्थ्य परीक्षण गरेको र आफू चाँडै आर्सनल प्रशिक्षकका रुपमा फर्कने बताएको गोल डटकमले लेखेको छ।</p>
<p>त्यसैगरी प्रिमियर लिग क्लब म्यानचेस्टर सिटीका बेन्जामिन मेन्डीलाई पनि कोरोना भाइरस संक्रमणको आशंकामा क्वारेन्टाइनमा राखिएको छ।</p>
प्रतिक्रिया दिनुहोस्
.jpg)
