क्यानडाका प्रधानमन्त्री ट्रुडोकी श्रीमतीलाई कोरोना भाइरसको संक्रमण
<p>काठमाडौं। क्यानडाका प्रधानमन्त्री जस्टिन ट्रुडोकी श्रीमती सोफी ग्रुगोएयर ट्रुडोलाई कोरोना भाइरसको संक्रमण भएको छ।</p>
<p>उनको कार्यालयले सोफीलाई कोरोना भाइरसको परीक्षण 'पोजेटिभ' देखिएको गएराति पुष्टि गरेको छ। </p>
<p>४४ वर्षीय सोफी केही समयअघि मात्र लण्डनबाट क्यानडा फर्किएकी थिइन्। उनी दुई दिनअघिबाट बिरामी परेकी थिइन्।</p>
<p>सोफी अहिले 'सेल्फ आइसोलेसन' मा बसेकी छन्। उनले भनेकी छन्- 'म अहिले भाइरसले संक्रमित भए पनि छिट्टै नै पूर्ण स्वस्थ भएर फर्किनेछु।"</p>
<p>"क्यानेडाली परिवारले भोगिरहेको स्वास्थ्य समस्याको तुलनामा म घरमै आइसोलेसनमा बस्नुपरेको अवस्था केही पनि होइन", प्रधानमन्त्री पत्नी सोफीले भनिन्।</p>
<p>प्रधानमन्त्री ट्रुडो भने स्वस्थ रहेको अन्तर्राष्ट्रिय संचारमाध्यमहरूले जनाएका छन्।</p>
<p>तर, उनी पनि दुई साताको लागि 'सेल्फ आइसोलेसन' मा बस्‍ने छन्।</p>
प्रतिक्रिया दिनुहोस्
.jpg)
