कोरोना भाइरसको संक्रमण रोक्न बैतडीका पाँच वटा नाका बन्द
<p>बैतडी। कोरोना भाइरस संक्रमणको जोखिम नियन्त्रणका लागि भारतसँग सीमा जोडिएको पाँच नाका बन्द गरिएका छन्। </p>
<p>पञ्चेश्वर, शिवनाथ गाउँपालिका र दशरथचन्द नगरपालिकाका विभिन्न पाँच नाका बन्द गर्ने निर्णय गरिएको जिल्ला समन्वय समितिका प्रमुख सिद्धराज भट्टले जानकारी दिए। </p>
<p>बन्द गरिएका नाकाहरूमा बलरा, धरम, ढोया, कुस्मत र खैरेनी घाट छन्।</p>
<p>यी नाका हुँदै डुंगाबाट मानिसहरूको आवतजावत हुन्थ्यो।</p>
<p>कोरोना भाइरस संक्रमणलाई रोक्न पूर्व सतर्कता अपनाउँदै नाकाबाट आवतजावत बन्द गरिएको बैतडी स्वास्थ्य कार्यालयका प्रमुख योगेशप्रसाद भट्टले बताए।</p>
<p>मुख्य नाका झुलाघाटमा १० फागुनबाट हेल्थ डेस्क राखिएको छ। </p>
<p>तल्लोस्वराडका अन्य चार नाकामा भने हेल्थ डेस्क संचालनको तयारी भइरहेको बताइएको छ। <em>रासस</em></p>
प्रतिक्रिया दिनुहोस्
.jpg)
