प्रधानमन्त्री ओलीले मोदीलाई भने-‘कोभिड–१९ सँग लड्न सार्कस्तरीय सहकार्यका लागि तयार छौं’
<p>काठमाडौं। दोस्रोपटक मिर्गौलाको प्रत्यारोपणपछि त्रिवि शिक्षण अस्पतालमा उपचाररत प्रधानमन्त्री केपी शर्मा ओलीले कोरोना भाइरसको संक्रमणसँग जुध्न सार्कस्तरीय सहकार्यका लागि तयार भएको बताएका छन्। </p>
<p>आज केहीबेर अघि<a href="https://dekhapadhi.com/news/8406" target="_blank"> भारतीय प्रधानमन्त्री नरेन्द्र मोदीले ट्वीटमार्फत् कोरोना भाइरसविरुद्धको लडाइँमा सार्कस्तरीय सहकार्य गर्नुपर्ने बताएका थिए।</a></p>
<p>त्यसपछि प्रधानमन्त्री ओलीले ट्वीटरमै मोदीलाई मेन्सन गर्दै उनको प्रस्तावलाई आफूले स्वागत गरेको उल्लेख गरेका छन्।</p>
<p>प्रधानमन्त्री ओलीले भनेका छन्- ‘सार्क राष्ट्रका नेताहरूले कोरोना भाइरसविरुद्ध लड्न बलियो रणनीति विकास गर्ने मोदीजीको प्रस्तावलाई स्वागत गर्दछु। नेपाल सरकार सार्कका सदस्य राष्ट्रहरूका नागरिकलाई यो प्रकोपबाट जोगाउन गहिरो सहकार्य गर्न तयार छ।’</p>
<p style="text-align:center"><img alt="" height="393" src="https://www.dekhapadhi.com/storage/photos/shares/Health/PM Oli tweet.JPG" width="679" /></p>
<p><br />
</p>
प्रतिक्रिया दिनुहोस्
.jpg)
