नेपाल एअरलाइन्सको काठमाडौं–दिल्ली उडान कटौती
<p>काठमाडौं। नेपाल वायुसेवा निगमले काठमाडौं–दिल्ली उडान कटौती गरेको छ। कोरोना भाइरस संक्रमणको त्रासले यात्रु संख्यामा उल्लेख्य कमी आएपछि निगमले आफ्नो उडान तालिका परिवर्तन गरेको हो।</p>
<p>काठमाडौं-दिल्ली रूटमा दैनिक दुईवटा उडान गर्दै आएको वायु सेवा निगमले १५ मार्चदेखि लागु हुने गरी एउटा उडान मात्रै गर्ने बताएको छ।</p>
<p>निगमले विहानको उडानलाई नियमित गर्दै साँझको उडान भने अर्को व्यवस्था नभएसम्मका लागि स्थगित गरेको छ।</p>
<p>बैंगलौरको नियमित उडान १९ र ३१ मार्चका लािग रद्द गरिएको छ भने मुम्वईका लागि हुने प्रत्येक शुक्रबारको उडान १५ मार्च देखि १५ अप्रिल सम्मलाई रोकिएको छ।</p>
<p>११ मार्च र २५ मार्चको बैंकक उडान एवं हङकङको १९ मार्च र २६ मार्चको उडान पनि रद्द गरिएको निगमका प्रवक्ता अर्चना खड्काले बताइन्।</p>
<p>यसका साथै, निगमले काठमाडौं–दोहाबीचको उडान अर्को सूचना नआउँदा सम्मका लागि २७ फागुनदेखि नै स्थगित गरिसकेको छ।</p>
<p>उपरोक्त उडानका टिकट खरीद गरेका यात्रुहरुलाई टिकट फिर्ता गर्दा भुक्तानी गरेको रकम पुरै उपलब्ध गराइने र टिकट लिइसकेका यात्रुले एक पटक उडानको मिति परिवर्तन गर्दा शुल्क नलाग्ने निमगले बताएको छ।</p>
प्रतिक्रिया दिनुहोस्
.jpg)
