Others

गृहपृष्ठ

मालपोत कार्यालय प्रमुख पक्राउ बेलौरी । कञ्चनपुरको बेलौरीमा रहेको मालपोत कार्यालयका प्रमुख भोजबहादुर ऐडी पक्राउ परेका छन् ।  उनलाई स्थानीय एक महिलासँगै प्रहरीले ‘नैतिकता विरुद्धको कसुरमा’ पक्राउ गरेको हो ।   महिलाका श्रीमानले गरेको उजूरीका आधारमा उनीहरुलाई पक्राउ गरिएको प्रहरीले जनाएको छ ।   “दुवै जना विवाहेत्तर सम्बन्धमा रहेको खुल्न आयो”, इलाका प्रहरी कार्यालय बेलौरीका प्रहरी निरीक्षक रणबहादुर चन्दले भने, “महिलाको मोबाइलमा नग्न तस्बीर फेला परेपछि श्रीमानले उजूरी गरे, अनि हामीले दुवैलाई नियन्त्रणमा लियौं ।”  चन्दले पक्राउ परेका दुवै जनाविरुद्ध आज नैतिकता विरुद्धको कसुरमा जिल्ला प्रशासन कार्यालयबाट म्याद थप गरेर कारबाही प्रक्रिया अघि बढाइएको बताए ।