भवनकाे उद्घाटन नगरी फर्किए शिक्षामन्त्री
<p>महाेत्तरी। शिक्षा, विज्ञान तथा प्रविधिमन्त्री गिरीराजमणि पोखरेल महोत्तरीको एक कार्यक्रमको उद्घाटन नगरी फर्किएका छन्।</p>
<p>आज उनले मटिहानी नगरपालिकामा अवस्थित याज्ञवल्क्य लक्ष्मीनारायण विद्यापीठको नवनिर्मित दुईतले भवनको उद्घाटन गर्ने कार्यक्रम थियो।</p>
<p>कोरोना भाइरस संक्रमणको जोखिमका कारण सभा तथा सम्मेलन आयोजना नगर्ने सरकारको नीति भएकाले मन्त्री पोखरेलले सार्वजनिक कार्यक्रममा भवनको उद्घाटन नगरेकाे जनाइएकाे छ। </p>
<p>सो अवसरमा उनले सरकारले ४१ सीमा नाकामा हेल्थ डेस्क स्थापना गरिसकेको र थप नाकामासमेत गर्ने तयारीमा रहेको जानकारी दिए। उनले केही दिनका लागि कुनै पनि सभा, सम्मेलन, भोजभतेर र धेरै मानिस जम्मा हुने कार्यक्रम नगर्न आग्रह गरे। <em>रासस</em></p>
प्रतिक्रिया दिनुहोस्
.jpg)
