मौसम परिवर्तनसँगै डेंगुका बिरामी भेटिए, ३६ जनामा संक्रमण
<p>काठमाडौं। मौसम परिवर्तनसँगै केही दिनयता डेंगुका बिरामी फेला परेका छन्।</p>
<p>गत पुसको दोस्रो सातादेखि फागुन अन्तिमसम्म देशभर ३६ जनामा डेंगु रोग भेटिएको इपिडिमियोलोजी तथा रोग नियन्त्रण महाशाखा टेकुले जनाएको छ।</p>
<p>पछिल्लो साढे दुई महीनामा देखिएका डेंगुका बिरामीमध्ये सबैभन्दा बढी रुपन्देहीमा ११ जना छन्।</p>
<p>प्रदेश १ को झापामा १, मोरङमा ३ र सुनसरीमा २ जना छन्।</p>
<p>त्यस्तै नुवाकोटमा १, काठमाडौंमा ३, ललितपुरमा ३, रामेछाप र मकवानपुरमा १/१ जना गरी वागमती प्रदेशमा ९ जना डेंगुका बिरामी फेला परेको महाशाखाले जनाएको छ।</p>
<p>गण्डकी प्रदेशमा गोरखामा १, म्गाग्दीमा १, कास्कीमा २ र नवलपरासी सुस्तापूर्वमा १ जनामा डेंगु देखिएको छ।</p>
<p>सुदूरपश्‍चिमका डडेलधुरा र कैलालीमा १/१ जना गरी दुईजना डेंगुका बिरामी फेला परेका छन्।</p>
प्रतिक्रिया दिनुहोस्
.jpg)
