तनहुँमा नेकपाको तीन महीने अभियान शुरू
<p>दमौली। सत्तारुढ नेपाल कम्युनिष्ट पार्टी (नेकपा) तनहुँले तीन महीने पार्टी एकता सुदृढीकरण तथा जनसम्बन्ध विस्तार अभियान शुरू गरेको छ। </p>
<p>नेकपाका केन्द्रीय सदस्य एवं गण्डकी प्रदेश सरकारका आन्तरिक मामिला तथा कानुनमन्त्री हरिबहादुर चुमानले १ चैतमा अभियानको शुरूआत गरे।</p>
<p>उनले तनहुँका दशवटै स्थानीय तहमा सुदृढीकरण अभियानलाई प्रभावकारी रुपमा संचालन गरिने बताए।</p>
<p>चुमानले भने, “पार्टी एकतापछि गठन भएको नेकपाका कार्यकर्ताबीच भावनात्मक सम्बन्ध कायम गर्न अभियानले सहयोग पुग्नेछ।”</p>
<p>अभियानमा अहिले विश्वव्यापी महामारीको रूप लिएको कोभिड-१९ को को जोखिमबाट बच्‍न अपनाउनु पर्ने सावधानीबारे सचेतनाका क्रियाकलाप पनि समेटिने बताइएको छ।</p>
<p>८५ स्थानमा कार्यक्रम तय गरिएको नेकपा तनहुँका सचिव राजेन्द्रकेशरी न्यौपानेले बताए।</p>
<p>उक्त अभियान जेठ मसान्तसम्म चल्नेछ। <em>रासस</em></p>
प्रतिक्रिया दिनुहोस्
.jpg)
