स्पेनका प्रधानमन्त्री पत्नीलाई कोरोना भाइरसको संक्रमण
<p>काठमाडौं। स्पेनका प्रधानमन्त्री पेड्रो सान्चेजकी पत्‍नी बेगोना गोमेजलाई कोरोना भाइरसको संक्रमण देखिएको छ।</p>
<p>स्पेन सरकारले बेगोनालाई परीक्षणको क्रममा कोभिड-१९ पोजेटिभ देखिएको पुष्टि गरेको छ।</p>
<p>कोरोना भाइरस संक्रमणविरुद्ध देशभर आपतकालीन अवस्था लागू गरेको केही समयमै प्रधानमन्त्री सान्चेजकी पत्नीलाई संक्रमण पुष्‍टि भएको हो।</p>
<p>बेगोनालाई अहिले आइसोलेसनमा राखेर उपचार भइरहेको बताइएको छ।</p>
<p>प्रधानमन्त्री सान्चेज पनि आइसोलेसनमा बसेका छन्। उनको स्वास्थ्य भने राम्रो छ।</p>
<p>यसअघि स्पेनी मन्त्रिपरिषद्का दुईजना मन्त्रीमा पनि कोरोना भाइरस संक्रमण देखिइसकेको छ।</p>
<p>उनीहरू दुवैजनाको स्वास्थ्य सुधार भइरहेको अन्तर्राष्‍ट्रिय संचारमाध्यमहरूले जनाएका छन्।</p>
प्रतिक्रिया दिनुहोस्
.jpg)
