आज विश्व उपभोक्ता अधिकार दिवस
<p>काठमाडौं। आज १५ मार्च, विश्‍व उपभोक्ता अधिकार दिवस।</p>
<p>उपभोक्ता अधिकारको क्षेत्रमा कार्यरत् विभिन्‍न सरकारी तथा गैरसरकारी संघसंस्थाहरूले उपभोक्ता अधिकारसँग सम्बन्धित कार्यक्रम गरेर मनाउँदैछन्।</p>
<p>उपभोक्ता अधिकार दिवस पहिलो पटक १५ मार्च सन् १९६२ का दिन अमेरिकी राष्ट्रपति जोन एफ केनेडीले प्रस्तुत गरेको सुरक्षा, सूचना, छनोट र सुनुवाइलाई उपभोक्ताका चार अधिकारका रूपमा घोषणा गरिएको छ।</p>
<p>यसैको सम्झनामा विश्वभर यो दिवस मनाइन्छ।</p>
<p>यी चार अधिकारका आधारमा संयुक्त राष्ट्रसङ्घको साधारण सभाबाट सन् १९८५ मा थप आठ अधिकारसहितको अनुबन्ध पारित भएको थियो।</p>
<p>सोही आधारमा प्रत्येक राष्ट्रले उपभोक्ता कानून जारी गरेका छन्।</p>
<p>उपभोक्ता अधिकारका अन्तरनिहीत आधारभूत चार सिद्धान्तमा प्रत्येक उपभोक्ता आफैँ सचेत हुनुपर्दछ।</p>
<p>उपभोक्तालाई सचेत र जागरुक गराउन सरकार तथा वस्तु वा सेवा उत्पादन, आयात, सञ्चय वा बिक्री गर्ने प्रदायकहरूको दायित्व मानिन्छ।</p>
<p>नेपालमा पनि विभिन्‍न ऐन, नियममार्फत उपभोक्ताको हक अधिकारलाई सुनिश्‍चित गरिएको छ।</p>
प्रतिक्रिया दिनुहोस्
.jpg)
