माल्दिभ्सका राष्ट्रपति सोलिह भन्छन्- ‘अर्थतन्त्रको दीर्घकालीन पुनरूत्थानलाई समेटौं’
<p>काठमाडौं । माल्दिभ्सका राष्ट्रपति इब्राहिम मोहम्मद सोलिहले कोभिड-१९ सँग जुध्न बनाइने क्षेत्रीय रणनीतिमा 'दीर्घकालीन पुनरुत्थान कार्यक्रम’ समेट्नुपर्ने जनाएका छन्। भारतीय प्रधानमन्त्री नरेन्द्र मोदीले राखेको क्षेत्रीय रणनीति बनाउने प्रस्तावलाई समर्थन जनाउँदै उनले त्यस्तो प्रस्ताव राखेका हुन्। </p>
<p>राष्ट्रपति सोलिहले आफ्नो देशको अर्थतन्त्रमा ठूलो असर परेको उल्लेख गर्दै उक्त प्रस्ताव स्पष्ट पार्ने प्रयास गरे। </p>
<p>अहिले चालु सार्क देशका सरकार प्रमुखहरूको भिडिओ कन्फ्रेन्सलाई सम्बोधन गर्दै सोलिहले भने, "हाम्रो देशको एक चौथाइ पर्यटनमा निर्भर छ। यसलाई ठूलो असर पुर्‍याएको छ। चीन र इटालिमा ठूलो समस्या देखिएको छ। हाम्रो प्रर्यटन यिनै देशमा निर्भर थियो।"</p>
<p>उनले कोभिड-१९ का कारण माल्दिभ्समा वैदेशिक मुद्राको अभाव भइरहेको उल्लेख गरे। </p>
<p>७ मार्चमा पहिलो कोरोना संक्रमित फेला परेको माल्दिभ्समा अहिलेसम्म १३ जना संक्रमित भएका छन्। </p>
<p>"सन् २००३ मा सार्स देखिँदा स्वास्थ्य मन्त्रीहरुको बैठकका लागि हामीले पहल गरेका थियौं", राष्ट्रपति सोलिहले स्मरण गरे। </p>
<p><strong>पढ्नुहाेस्ः</strong></p>
<p><strong><a href="https://dekhapadhi.com/news/8525" target="_blank">कोभिड-१९ सँग जुध्‍न सामूहिक प्रयत्‍न गरौं- भारतीय प्रम नरेन्द्र मोदी</a></strong></p>
प्रतिक्रिया दिनुहोस्
.jpg)
