'कोभिड-१९ विरूद्ध हामी अलर्ट अवस्थामा छौं' - प्रधानमन्त्री ओली
<p>काठमाडौं। प्रधानमन्त्री केपी शर्मा ओलीले कोभिड-१९ सँग जुध्न देशको सबै प्रदेशमा अस्पताल र आइसोलेसन वार्डको व्यवस्था गरेको उल्लेख गरेका छन्।</p>
<p>अहिले जारी सार्क देशका सरकार प्रमुखहरूको भिडिओ कन्फ्रेन्सलाई सम्बोधन गर्दै प्रधानमन्त्री ओलीले भने, "हामी अलर्ट अवस्थामा छौं।"</p>
<p>उनले यो विश्वव्यापी महामारीसँग जुध्न विभिन्न तयारी अपनाएको बताए।</p>
<p>"हामीले धेरै एजेन्सी र समन्वय समिति गठन गरेका छौं", आफ्ना समकक्षीहरूलाई प्रधानमन्त्री ओलीले भने, "अन्तर्राष्ट्रिय मुभमेन्ट र अनअराइभल भिसा रोकेका छौं। भिसा रद्ध गरेका छौं। तेस्रो देशबाट आउने सडक यात्रुलाई पनि रोकिएको छ। स्वास्थ्य परीक्षणको रिपोर्ट अनिवार्य गरिएको छ।"</p>
<p>प्रधानमन्त्री ओलीले कोभिड-१९ सँग जुध्न सेल्फ क्वारेन्टाइनको व्यवस्था गरेको, हिमाल आरोहणका सबै परमिट रद्द गरिएको र अन्तर्राष्टिय सेमिनार स्थगित गरिएको बताए।</p>
<p><strong>पढ्नुहोस्</strong></p>
<p><strong><a href="https://www.dekhapadhi.com/news/8528" target="_blank">माल्दिभ्सका राष्ट्रपति सोलिह भन्छन्- ‘अर्थतन्त्रको दीर्घकालीन पुनरूत्थानलाई समेटौं’</a></strong></p>
<p><strong><a href="https://dekhapadhi.com/news/8525" target="_blank">कोभिड-१९ सँग जुध्‍न सामूहिक प्रयत्‍न गरौं- भारतीय प्रम नरेन्द्र मोदी</a></strong></p>
प्रतिक्रिया दिनुहोस्
.jpg)
