सतुंगलबाट १० लाख थान मास्क बरामद
<p>काठमाडौं। चन्द्रागिरी नगरपालिका-१९ सतुंगलबाट प्रहरीले करीब १० लाख थान मास्क बरामद गरेको छ।</p>
<p>प्रहरीको विशेष टोलीले आज बिहान छापा मारेर आरडीजी सप्लायर्सको गोदामबाट मास्क बरामद गरेको महानगरीय प्रहरी परिसर काठमाडौंका डीएसपी होविन्द्र बोगटीले देखापढीलाई बताए।</p>
<p>प्रहरीले सप्लायर्सका संचालक सुवास महेश्‍वरी र सरोज गोयललाई पक्राउ गरेको छ।</p>
<p>त्यस्तै चालक र मास्क लोड गरिएको ट्रकसमेत नियन्त्रणमा लिइएको बोगटीले बताए।</p>
<p>"मास्क गोदाममा लुकाएर कालो बजारी गरिरहेको सूचनाका आधारमा अपरेसन चलाएका हौं", बोगटीले भने, "बजार अनुगमनलाई तीब्र पारेका छौं, कृत्रिम अभाव गराउनेलाई कानून अनुसार कारवाही गर्छौँ।"</p>
<p>कोरोना भाइरसको सम्भावित संक्रमणको जोखिमसँगै बजारमा मास्क, सेनिटाइजरलगायतका अत्यावश्यक वस्तुको कृत्रिम अभाव सिर्जना गरिएपछि प्रहरीले निगरानी बढाएको छ।</p>
<p>१ चैतमा पनि काठमाडौंका विभिन्न स्थानबाट ७८ हजार थान मास्कसहित ८ जना पक्राउ परेका थिए।</p>
प्रतिक्रिया दिनुहोस्
.jpg)
