कोभिड-१९ सँग जुध्न गरिएको तयारीबारे कुटनीतिक वृत्तलाई सरकारको जानकारी
<p>काठमाडौं। परराष्ट्र मन्त्रालयका सचिव शंकरदास वैरागीले काठमाडौंमा रहेका विभिन्न देशका कुटनीतिज्ञहरूलाई कोभिड-१९सँग जुध्न सरकारले गरेको तयारीबारे जानकारी दिएका छन्।</p>
<p>आज परराष्ट्र मन्त्रालयमा उनले कुटनीतिक वृत्तलाई सरकारले गरेको तयारी र अपनाएका सावधानीका उपायबारे जानकारी गराएका हुन्।</p>
<p>विश्व स्वास्थ्य संगठनले विश्वव्यापी महामारी घोषणा गरेको कोभिड-१९ सँग संयुक्त रूपमा जुध्न विभिन्न कुटनीतिक पहलहरू शुरू भएका छन्। ३ फागुनमा भारतीय प्रधानमन्त्री नरेन्द्र मोदीको आह्वानमा सार्क देशका सरकार प्रमुख र प्रतिनिधीहरूको भिडिओ कन्फ्रेन्स भएको थियो। उक्त कन्फ्रेन्समा भारतीय प्रधानमन्त्री मोदीले कोभिड-१९को रोकथाम र उपचारका लागि आपतकालीन कोष खडा गर्ने प्रस्ताव गरेका थिए । उनले उक्त कोषमा भारतका तर्फबाट एक करोड अमेरिकी डलर प्रदान गरिने जनाएका थिए। </p>
<p>नेपालका प्रधानमन्त्री केपी शर्मा ओलीले उक्त कोषमा नेपालको पनि योगदान रहने जनाउँदै सार्क देशमा कुनै पनि देशमा संकट आइहाले परिचालन गर्नेगरी औषधीसहितको स्वास्थ्यकर्मीको टोली तैनाथ राख्न प्रस्ताव गरेका थिए। <br />
</p>
प्रतिक्रिया दिनुहोस्
.jpg)
