पोर्चुगलमा एक नेपाली कामदारमा कोरोना भाइरसको संक्रमण, ७४ नेपालीलाई क्वारेन्टाइनमा राखियो
<p>लिस्बन। पोर्चुगलको फारोको एक ग्रामीण इलाकामा काम गर्ने एक नेपाली कोरोना भाइरसको संक्रमण भएको छ। उनी त्यहाँ कृषि मजदूरको रूपमा कार्यरत् थिए।</p>
<p>फारो नगरपालिकाका प्रमुख रोगिरियो बाकलहाउले नेपाली कामदार कोरोना भाइरसबाट संक्रमित भएको पुष्टि गरेका छन्। </p>
<p>नेपालीमा कोभिड– १९ पोजेटिभ देखिएसँगै संक्रमण फैलन नदिन उनीसंँगै काम गर्ने र उनको सम्पर्कमा भएका अन्यको खोजी गरिएको थियो ।</p>
<p>यसै क्रममा संक्रमितसँगै बस्ने, सँंगै काम गरेका र सम्पर्कमा भएका ७४ नेपालीलाई क्वारेन्टाइनमा राखिएको छ ।<br />
<br />
कोरोना भाइरसबाट संक्रमित ती नेपालीको नाम र उमेरबारे केही खुलाइएको छैन।</p>
<p>नेपाली कन्सुलर मकरबहादुर हमालले ७४ नेपालीलाई क्वारेन्टाइनमा राखिएको र एक नेपालीलाई संक्रमित भएको सार्वजनिक कूटनीतिक पहल गरिने बताएका छन्।</p>
<p>उनले पोर्चुगलमा रहेका सम्पूर्ण नेपालीलाई सुरक्षित रहन अनुरोध गरे।</p>
<p>हमालका अनुसार कोरोना संक्रमित ती नेपाली कति मानिससँग काम गर्छन्, कहाँ र कोसँग बस्छन्, उनको सम्पर्कमा को को कति जना मान्छेहरु रहेका थिए भन्नेबारे अनुसन्धान भइरहेको छ ।</p>
<p>“कोरोनाबाट अन्यलाई कसरी सुरक्षित राख्न सकिन्छ भन्ने उपाय पनि अवलम्बन गरिनेछ”, उनले भने।<br />
<br />
फारोका प्रमुखले स्थानीयवासीलाई घरमै रहन, धेरै मानिस भएका ठाउँमा नजान, क्याफेमा नजान र भेला नहुन साथै सरकार र सरकारी अधिकारीको निर्देशनलाई पालना गर्न आग्रह गरेका छन्।</p>
<p>पोर्चुगलमा पछिल्लो समयमा २७६ जना कोभिड–१९ बाट सङ्क्रमित भएको बताइएको छ। <em>रासस</em></p>
<p> </p>
प्रतिक्रिया दिनुहोस्
.jpg)
