Others

गृहपृष्ठ

प्रदेश २ को नाम ‘मिथिला-भोजपुरा’ राख्ने कांग्रेसको प्रस्ताव पनि अस्वीकृत धनुषा। प्रदेश २ को नामाकरण गर्न जारी मतदानको दोस्रो प्रस्ताव पनि अस्वीकृत भएको छ। नेपाली कांग्रेसका तर्फबाट सांसद नरेश कुमार यादवले प्रस्तुत गरेको ‘मिथिला-भोजपुरा’ प्रस्तावको पक्षमा २८ मत परेको छ भने विपक्षमा ७९ मत परेको छ। प्रदेश २ मा कांग्रेसका १९ सांसद छन्। ‘मिथिला-भोजपुरा’ प्रदेशको नाममा नेपाली कांग्रेस वाहेकका ९ जना सांसदले पनि मत दिएका छन्। अब नेपाली कांग्रेसकै सांसद राजेश्वर प्रसाद साहले दर्ता गराएको ‘मध्य मधेस’ नाममा मतदान गर्ने तयारी भएको छ।  यसअघि नेकपाले प्रस्ताव गरेको नाम जानकी प्रदेशको पक्षमा ३७ मत खसेको थियो। प्रदेश २ मा नेकपाको ३२ सिट छ। नेकपाको प्रस्तावमा पनि अन्य दलका ५ जनाले मतदान गरेका थिए।