युरोपियन च्याम्पियनसिप एक वर्षका लागि स्थगित
<p>काठमाडौं। कोभिड-१९ का कारण युरोपियन च्याम्पियनसिप-२०२० एक वर्षका लागि स्थगित भएको छ। नर्वे फुटबल संघका अनुसार अब याे प्रतियोगिता २०२१ मा हुने निश्चित भएको छ।</p>
<p>युरोपियन फुटबलको सर्वोच्च निकाय युराेपियन फुटबल महासंघ (युईएफए)ले आज मुख्य सरोकारवालाहरूसँग भिडिओ कन्फ्रेन्समा छलफल गर्दै प्रतियोगिता एक वर्षका लागि स्थगित गरेको हाे।</p>
<p>नर्वे फुटबल संघले प्रतियोगिता अर्को वर्षको ११ जुनदेखि ११ जुलाईसम्म हुने निर्णय भएको जनाएको छ। आज भएको निर्णयमा पछि मात्र हस्ताक्षर हुने बीबीसीले जनाएको छ।</p>
<p>प्रतियोगिता २०२० को १२ जुनदेखि १२ जुलाईसम्म युरोपका १२ देशमा हु्ने खेलतालिका थियो।</p>
<p>यूईएफएको यो निर्णयसँगै स्थगित भएका युरोपियन लिगहरूलाई पूरा गर्ने अवसर जुरेको छ।</p>
<p>यूईएफए नेसन्स लिग र युरोपियन यु-२१ च्याम्पियनसिप पनि अर्को वर्ष हुने भएको छ। इङ्ल्यान्डमा हुने २०२१ यूईएफए महिला युरोपिन च्याम्पियनसिप ७ जुलाईबाट शुरू हुनेछ, जुन पुरुष फुटबलको फाइनलभन्दा चार दिन अगाडि हाे।</p>
प्रतिक्रिया दिनुहोस्
.jpg)
