कोरोना भाइरससम्बन्धी सचेतनाका लागि सर्लाहीमा सहायता कक्ष स्थापना
<p>सर्लाही। कोराना भाइरस संक्रमणको सम्भावित जोखिमबारे सचेतना जगाउन सर्लाहीमा ‘सहायता कक्ष’ स्थापना गरिएको छ ।</p>
<p>वाग्मती सेवा समाज नेपालले जिल्ला प्रशासन कार्यालय सर्लाहीको परिसरमा सहायता कक्ष स्थापना गरेको हो ।</p>
<p>प्रमुख जिल्ला अधिकारी मोहनबहादुर जीसीले सेवाग्राहीको बढी भीडभाड हुने प्रशासन कार्यालयमा स्थापना भएको सहायता कक्षले नागरिकको स्वास्थ्य सुरक्षामा सहयोग पुग्ने बताए।</p>
<p>सहायता कक्षमा कार्यालय आउने सेवाग्राहीको स्वास्थ्य जाँचका कोभिड-१९ विरुद्ध अपनाउनुपर्ने सावधानीबारे जानकारी गराइने वाग्मती सेवा समाज नेपालका अध्यक्ष भरत कुमार कार्कीले जानकारी दिए।</p>
<p>कोही शंकास्पद भेटिए जिल्ला अस्पतालको आइसोलेसन कक्षमा पठाइने छ।</p>
<p>भारतसँग सीमा जोडिएको सर्लाहीको विभिन्न नाकामा नेपाल-भारत संयुक्त सहकार्यमा १३ वटा स्वास्थ्य सहायता कक्ष राखिएको छ। <em>रासस</em></p>
प्रतिक्रिया दिनुहोस्
.jpg)
