विराटनगरका पेट्रोल व्यवसायीको आग्रह - 'हल्लाको पछि लागेर पेट्रोलियम पदार्थको अनावश्यक भण्डारण नगरौं'
<p>विराटनगर। पेट्रोलियम डिलर्स एशोसियसन कोशी विराटनगरले हल्लाको पछि लागेर पेट्रोलियम पदार्थको अनावश्यक भण्डारण नगर्न उपभोक्तालाई आग्रह गरेको छ।</p>
<p>कोरोना भाइरस संक्रमणको त्राससँगै नेपाल-भारत सीमाना बन्द हुने आधारहीन खबरका आधारमा चाहिनेभन्दा बढी पेट्रोलियम पदार्थ भण्डारण गरी समग्र बजारलाई प्रभावित गर्न खोजिएको भन्दै एशोसियसनले हिजो ४ फागुनमा विज्ञप्ति निकालेर सो अनुरोध गरेको हो।</p>
<p>विज्ञप्तिमा भनिएको छ’, 'प्रदेश नं १ का लागि भारतको बरौनी डिपो (जोगवनी नाका), सिलगुडी डिपो (काँकडभिट्टा नाका) र अमलेखगञ्ज बाराबाट पेट्रोलियम पदार्थ सहजरूपमा आपूर्ति भइरहेको छ।'</p>
<p>भारतीय सीमानाकाबाट सहजरूपमा पेट्रोलियम पदार्थको आपूर्ति भइरहेको र पेट्रोलियम पदार्थ नियमितरूपमा वितरण भइरहेको उल्लेख गर्दै विज्ञप्तिमा आधारहीन हल्लाका पछि नलागी आवश्यक मात्र पेट्रोलियम खरीद गर्न उपभोक्तासँग अनुरोध गरिएको छ।</p>
<p>यसक्षेत्रमा कार्यरत पेट्रोलियम व्यवसायी सम्पूर्ण उपभोक्ता वर्गको सेवाप्रति सदैव समर्पित रहँदै आएको हुँदा अहिले पनि पेट्रोलियम पदार्थको बिक्रीवितरण विगत झैँ सहजरूपमा हुने विज्ञप्तिमा जनाएको छ। <em>रासस</em></p>
प्रतिक्रिया दिनुहोस्
.jpg)
