कोभिड-१९ विरुद्धको तयारीमा छलफल गर्न आज नेकपा सचिवालय बैठक
<p>काठमाडौं। सत्तारुढ नेपाल कम्युनिष्‍ट पार्टी (नेकपा) को सचिवालय बैठक आज अपरान्ह ४ बजे प्रधानमन्त्री निवास बालुवाटारमा बस्दैछ।</p>
<p>प्रधानमन्त्री एवं अध्यक्ष केपी शर्मा ओलीको मिर्गौला प्रत्यारोपणपछि पहिलो पटक सचिवालय बैठक डाकिएको हो।</p>
<p>१९ फागुन अस्पताल भर्ना हुनु एक दिनअघि सचिवालय बैठक बसेको थियो।</p>
<p>हिजो, ४ चैतमा अध्यक्षद्वय प्रधानमन्त्री ओली र पुष्पकमल दाहालबीच बालुवाटारमा सचिवालय बैठक बोलाउने सम्बन्धमा छलफल भएको बालुवाटार स्रोतले बताएको छ।</p>
<p>आजको बैठकमा कोरोना भाइरसको संक्रमणको जोखिमविरुद्ध सरकार, उच्चस्तरीय समितिले गरिरहेका पूर्वतयारी र पार्टीले गर्ने कामको बारेमा छलफल हुने नेकपाका प्रचार विभाग उपप्रमुख सूर्य थापाले जानकारी दिए।</p>
<p>"बैठकले कोरोनाको सतर्कता र पूर्वतयारीका लागि कार्ययोजना तय गर्नेछ", थापाले <em>देखापढी</em>सँग भने।</p>
<p>त्यस्तै मिर्गौला प्रत्यारोपण सफल भएकोमा प्रधानमन्त्रीलाई बधाई दिने आजको बैठकको अर्को अजेण्डा छ।</p>
प्रतिक्रिया दिनुहोस्
.jpg)
